ما بدأت تتعلم اللغة الإنجليزية ! إيش تنتظر ؟!

معظمنا مُهتم بتطوير اللغة الانجليزية لأنه كُلنا عارفين بالوقت الحالي صارت جزء مهم بعالمنا مُمكن بـ :

( دراستنا - عملنا - هواياتنا - حياتنا اليومية ) ?? ..

الأكييد إنه كل شخص منا عنده أسباب لتعلم اللغة الانجليزية مُختلفة عن أي شخص ثاني، وبالوقت الحالي صار المستقبل المهني والتعليمي مرهون بمدى إجادتك للغة الانجليزية ..

عشان كذا أنا اقولك إيش تنتظر؟!

من اليوم افتح صفحة جديدة مع نفسك وإبدأ !

لا تنتظر بكرا وتذّكر إنه بيجي بكرا وراح تتمنى لو انك بدأت من اليوم ومن هذي اللحظة كمان✨..

اللغة الإنجليزية نقدر نسميها بـ لُغة اقتناص الفرص، راح تفتح اللغة أبواب موصدة أمام كل شخص يتحدث اللغة الانجليزية بطلاقة، وراح تساهم بزيادة عدد الفرص الوظيفية المقدمة لك.

لا تنسى : ( مشوار الألف ميل يبدأ بخطوة ) !

يمكن هذي هي الخطوة نفسها يلي انت محتاجها علشان تبدأ ويمكن تكون قررت إنك تخطوها الان بعد، ومن هنا انا اقولك انا مع رأيك وداعمة لك ويلا إنطلق والدنيا راح تُزهر وتتورّد وتتلوّن معاك ..

من أهم الأشياء يلي إنت لازم تعرفها قبل تبدأ تشتغل على نفسك (مهارات اللغة الإنجليزية) !

اللغة الإنجليزية عقبة عند كثير من الطلاب والموظفين وإحنا لو حبينا نتخطى العقبة هذي بنقدر إذا كان عندنا إرادة، أنا عارفة كويس إنه إنت ودك تتعلم اللغة الإنجليزية وتتحدثها بطلاقة لكن متشتت بسبب كثرة المصادر والمهارات وما تعرف من فين تبدأ، بأحط لك هنا أهم الإجابات يلي إنت محتاجها عن المهارات الأساسية في اللغة الإنجليزية، وفعلياً بعدها مالك أي عذر إنك إلى الآن واقف مكانك?!

عندنا أربع مهارات مُهمة في اللغة الإنجليزية ( الإستماع - التحدث - القراءة - الكتابة ) وعندنا مُدخلات ومخرجات من هذي المهارات الأربعة ..

- الإستماع ? حيساعدنا على التحدث ? ..

- القراءة ? حتساعدنا على الكتابة?..

- أول وأهم مهارة في اللغة الإنجليزية ( الإستماع ) كل ماسمعت أكثر كل ما صار أسهل عليك إنك تفهم الشخص يلي قدامك إيش يقول، ضروري تبدأ من مستواك الحالي يلي إنت فيه وإذا كنت فيه بداية تعلمك وحسيت إنك مو جالس تفهم يلي تسمعه لا تشيل هم مع الإستمرارية راح تفهم كل شي وتصير أفضل??..

- المهارة الثانية ( القراءة ) تقدر تطور القراءة بأكثر من طريقة مثل :

( قراءة الكتب - الروايات - المجلات - الأخبار العالمية ) بإختصار الشي يلي تحس إنك مهتم فيه ! ??

نصيحة : إذا إنت اول مرا تطور مهارة القراءة حاول إنك تسمع النطق الصحيح للنص عشان ما تعاني بعدين من مشكلة النطق الخاطئ لبعض الكلمات لانه هذي المشكلة تواجه أشخاص كثيرين !

- المهارة الثالثة ( التحدث ) ?

مين نفسه يتكلم اللغة الإنجليزية بطلاقه بدون لعثمة او تكسير في الكلام ؟! أكيييييد كلنا ..

أنا عارفة ? عشان كذا أحب اقولك لا تخاف من إنك تُخطىء بتركيب الجملة أو إنك تنطق الكلمة خطأ صدقني بتتعلم من خطأك لو ما تركته يعدي، عندنا طرق كثيرة لتطوير مهارة المحادثة منها : ( التحدث مع أجانب - التحدث مع صديق - التحدث مع نفسك ) .. إختار الشي المناسب لك وحاول تبدأ فيه !

- المهارة الرابعة والأخيرة ( الكتابة ) ?

نصيحتي لك .. خصص دفتر تكتب عليه اهم الأشياء يلي تعلمتها باللغة الإنجليزية، بيكون مرجع مرا جميل لك وتقدر تسترجع منه أهم معلوماتك وبهذي الطريقة تكون طورت مهارة الكتابة بسبب تدوينك المستمر وراح يكون شي لطيف عليك وماراح تواجه فيه اي صعوبة إن شاء الله ..